Terms of service

Reykjavíkurblóm ehf áskilur sér rétt til að hætta við pantanir, t.d. vegna rangra verðupplýsinga og einnig að breyta verðum eða hætta að bjóða upp á vörutegundir fyrirvaralaust. Áskilinn er réttur til að staðfesta pantanir símleiðis.

Hægt er að velja um að sækja pöntunina til okkar í Borgartún 23 eða fá hana senda. Hægt er að sjá afhendingarstaði í Sendingarskilmálunum okkar.

Pantanir innan Höfuðborgarsvæðisins eru yfirleitt afgreiddar samdægurs eða eftir óskum. Stærri pantanir, t.d. mikið magn, kransar og skreytingar þarf að panta með tveggja daga fyrirvara. Sé varan / blómin ekki til í verslun mun starfsmaður hafa samband um hæl og tilkynna um áætlaðan afhendingartíma vörunnar.

Sendingar eru sendar út samkvæmt ósk um tíma, eða eins fljótt og auðið er með sendli. Mikilvægt er að sendandi athugi hvort móttakandi sé við á uppgefnum tíma eða biðji starfsfólk Reykjavíkurblóma um að athuga það áður en sending er send. Ef móttakandi er ekki við þegar sendill kemur með sendingu er reynt að hafa samband við hann og semja um afhendingu. Ef ekki næst í móttakanda er haft samband við starfsfólk Reykjavíkurblóma eða sendanda. Ekki er hægt að ábyrgjast að sendill geti afhent á öðrum afhendingarstað. Í sumum tilfellum er samið um að sending skuli skilin eftir fyrir utan aðsetur móttakanda.

Sendingar á Höfuðborgarsvæðinu eru sendar af starfsmönnum Reykjavíkurblóma eða leigubílstjórum.

Sendingar á Reykjanes eru sendar af starfsmönnum Reykjavíkurblóma eða Cargo Flutningum.

Sendingar á Suðurland eru sendar af starfsmönnum Reykjavíkurblóma eða Siggaferðum.

Sendingar á Akranes eru sendar af starfsmönnum Reykjavíkurblóma eða Landflutningum.

Sendingar annað eru sendar af Samskip Landflutningnum.

Hægt er að greiða fyrir vörur og þjónustu með greiðslukorti eða millifærslu.

Greiðslusvæðið er inni á öruggari greiðslusíðu hjá SaltPay (Borgun). Þegar ýtt er á greiðsluhnappinn til að ljúka greiðslu er kaupandinn fluttur yfir á greiðslusíðuna sem er einföld og þægileg leið til að greiða með korti. Greiðslusíðan uppfyllir allra ströngustu öryggiskröfur. Þær eru skannaðar af Trustwave, sem er stærsti og virtasti PCI-DSS ráðgjafi heims.

Ekki er hægt að skila blómum, plöntum, sérpöntunum, útsöluvöru og tilboðsvöru. Að öðru leiti hefur kaupandi hefur 14 daga til að hætta við kaupin að því tilskildu að hann hafi ekki notað vöruna, henni sé skilað í góðu lagi í óuppteknum upprunalegum umbúðum. Ef vara er innsigluð má ekki rjúfa innsiglið. Fresturinn byrjar að líða þegar varan er afhent skráðum viðtakanda. Kvittun fyrir vörukaupunum þarf að fylgja með og kaupandi þarf sjálfur að bera kostnað á endursendingu. Endurgreiðsla er framkvæmd að fullu ef ofangreind skilyrði eru uppfyllt og eftir að varan er móttekin. Flutnings- og póstburðargjöld eru ekki endurgreidd. Ef vara reynist gölluð ber Reykjavíkurblóm ábyrgð á kostnaðinum.

Vinsamlegast athugið að verð á netinu getur breyst án fyrirvara.

Öll verð í netversluninni eru með VSK og reikningar eru gefnir út með VSK.

Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar verða ekki afhentar þriðja aðila undir neinum kringumstæðum.

Ákvæði og skilmála þessa ber að túlka í samræmi við lög nr. 30/2002 um rafræn viðskipti, lög nr. 77/2000 um persónuvernd auk laga nr. 16/2016 um neytendasamninga. Komi upp ágreiningur eða telji einhver að hann eigi kröfu á hendur netverslun Reykjavíkurblóm ehf á grundvelli þessara ákvæða og skilmála, verður slíkum ágreiningi eða kröfu vísað til meðferðar hjá Héraðsdómi Reykjavíkur.