Blómapantanir

Áfangastaðir

Við bjóðum upp á blómasendingar hvort sem er á heimili, vinnustaði, veitingastaði, sjúkrahús* eða annað.

*Óheimilt er að koma með blóm á blóðmeinadeild og gjörgæslu. Mögulega eru fleiri deildir þar sem það er óheimilt.

Höfuðborgarsvæðið

Reykjavík, Seltjarnarnes, Kópavogur, Garðabær, Hafnarfjörður og Mosfellsbær.

Suðurnes

Vogar, Reykjanesbær, Keflavíkurflugvöllur, Grindavík, Sandgerði og Garður.

Suðurland (þéttbýli)

Selfoss, Hveragerði, Þorlákshöfn, Ölfus, Eyrarbakki, Stokkseyri, Hella, Hvolsvöllur. 

Landsbyggðin (í vinnslu)

Akranes, Búðardalur, Drangsnes, Hellissandur, Ísafjörður, Kjalarnes, Laugarvatn, Reyðarfjörður, Vík.

Ef staðurinn sem þú vilt senda í er ekki á listunum máttu hafa samband og við getum athugað með sendingu þangað.

 

Sendingarkostnaður

Póstnúmer viðtakanda ákvarðar sendingarkostnað. Vertu því viss um að skrá rétt póstnúmer í pantanaferlinu til að fá rétt verð í sendinguna. Ef þú ert ekki viss um hvað póstnúmerið er þá er mögulega hægt að finna það með leit að nafni, síma eða heimilisfangi á ja.is. Ef það gengur ekki þá getum við yfirleitt fundið út póstnúmer útfrá heimilisfangi.

Sendingarkostnaður á Höfuðborgarsvæðinu: 1900 kr.

Sendingarkostnaður á Suðurnes og Suðurland (þéttbýli): 4200 kr.

Sendingarkostnaður annað á Landsbyggðina: 5200 kr.

 

Sendingartímar

Við bjóðum upp á blómasendingar alla daga vikunnar, flesta daga ársins. 

Við áskiljum okkur rétt til að hafa samband við viðtakenda til að staðfesta stað og stund. Ef óskað er eftir að sendingin komi á óvart og að við þ.a.l. höfum ekki samband við móttakenda þá verður sendandi að vera búinn að tryggja að einhver verði á staðnum til að taka á móti sendingunni eða að gefa leyfi fyrir að sendingin verði skilin eftir.

Sendingartímar á Höfuðborgarsvæðinu skiptast í þrjú holl á virkum dögum en þau eru frá 10:00-13:00, frá 13:00-16:00 (13:00-15:00 á föstudögum) og frá 17:00-20:00. Á laugardögum og sunnudögum er sent frá 11:00-15:00 og frá 16:00-19:00. Þessir tímar eru viðmið og gerum við okkar besta til að senda á þeim tíma sem er valinn. Ef að viðtakandi er annar en sendandi og valinn tími hentar honum ekki þá finnum við að sjálfsögðu annan tíma. Að sama skapi, ef að þessi tímabil henta ekki eða nákvæmari tímasetningu er óskað, vinsamlegast hafið samband og við reynum að verða við óskinni.

Sendingar á Suðurnes og Suðurland geta farið frá okkur tvisvar á dag virka daga.

Sendingar annað á Landsbyggðina fara frá okkur með Samskip Landflutningum eða með flugi á virkum dögum. Það fer eftir áfangastað hvenær afhendingartími á sér stað en það getur verið síðdegis samdægurs eða daginn eftir. Í þessum tilvikum eru blóm geymd í kæli á leiðinni. ATH! Ekki er sent heim að dyrum heldur þarf viðtakandi að sækja á stöð/flugvöll.

 

Fyrirvari pantana

Blómvendir: Panta þarf 3 klst fyrir afhendingu.

Kertaskreytingar og minni blómaskreytingar: Panta þarf 6 klst fyrir afhendingu.

Minni útfararskreytingar (40cm): Panta þarf með dags fyrirvara, 24 klst fyrir afhendingu.

Stærri útfararskreytingar (60cm) og stórar blómaskreytingar: Panta þarf með tveggja daga fyrirvara, 48 klst fyrir afhendingu.

Ef pöntun á að sendast út fyrir Höfuðborgarsvæðið óskum við eftir auka tíma, allt að 24 klst eftir áfangastað.

 

Lágmarks upphæð pantana

Lágmarks upphæð pöntunar á Höfuðborgarsvæðinu: 1750 kr.

Lágmarks upphæð pöntunar annað: 3900 kr.